Լուր-հա-լուր

Ֆրանսիացի նեյրոֆիզիոլոգներն ապացուցել են, որ վարքագծի հետ կապված անհատական մի քանի այնպիսի առանձնահատություններ, ինչպիսիք են ծուլությունը, անհամբերությունը կամ խելամտությունը, իրականում «վարակիչ են»: Վերջին տարիներին գիտնականները նկատել են, որ բազմաթիվ առօրյա շարժումներ և հույզեր, ինչպիսին հորանջելն է կամ իրեն քորելը, ևս «վարակիչ» են:

Լուրեր են պտտվում, որ ՀՀ նախագահի եղբայր Սաշիկ Սարգսյանը նեղացել է Նիկոլ Փաշինյանից, քանի որ նա սկսել  է «փայ մտնել» Հայաստանում սկսված միտինգներին:

Ասում են,  ՀՀ արտաքին գործերի նախարար Է. Նալբանդյանն ամեն ինչին ուշ է արձագանքում, քանի որ նրա համակարգիչն աշխատում է Windows 98-ով:

Ասում են, Հայաստանում ոստիկանության թվի մասին տվյալներն իմանալուց հետո որոշ թաղային հեղինակաություններ  իրենց զգացել են ոչ ապահով Հայաստանում:

Ասում են Հայաստանում, բացի պատգամավորներից և հիդրոօդերևութաբանական կանխատեսումներից, սկսել են չհավատալ նաև Արմենիա Թիվի-ին:

Ասում են, Սարի թաղի բնակչությունը բաժանվել է 2 մասի՝ ակտիվիստներ և ակտիվիստների ֆոնի վրա սելֆի անողներ:

Ասում են, ԵՏՄ 170 միլիոնանոց շուկայի մասին գրված է աշխարհի բոլոր երկրների լեգենդների և առասպելների գրքում:

Ասում են, ՀՀ կառավարությունում քննարկվում է ՀՀ մշակույթի ու ՀՀ կապի և տրանսպորտի նախարարությունները միավորելու հարցը, որ գոնե մշակույթը Հայաստանում այդքան անկապ չլինի: